विशाल सह्याद्रि नगरचा इतिहास

ऋणनिर्देश व आभार

कामगारांना स्वतःचे हक्काचे घर असावे यासाठी महाराष्ट्र शासनाचे फार मोलाचे सहकार्य लाभले आहे. भारताचे उपपंत्तप्रधान मा.ना.श्री यशवंतरावजी चव्हाण, माजी केंद्रीय व कृषी मंत्री मा.ना.श्री. शरदचंद्रजी पवार साहेब तसेच महाराष्ट्र राज्याचे माजी मुख्यमंत्री मा.ना.कै. शंकरराव चव्हाण, मा.ना.कै. वसंतराव दादा पाटील, माजी गृहमंत्री मा.ना.कै. बाळासाहेब देसाई, माजी विधानसभा अध्यक्ष कै. शंकरराव जगताप, माजी सहकार मंत्री मा.ना.कै.विलास काका उंडाळकर यांचे घर बांधणी प्रकल्पासाठी चांगले सहकार्य लाभले आहे.

श्री कापड बाजार मराठा कामगार मंडळाने सर्व कार्मगारांना व कार्यकर्त्यांना संघटित करून घरबांधणी प्रकल्पास मूर्त स्वरूप देण्याकरिता अत्यंत मोलाची कामगिरी केली आहे, त्याच बरोबर दि सह्याद्रि सहकारी बँक लि. ने स्वतःची शाखा सहयद्रि नगर मध्ये उघडून नगरातील लोकांची बँकिंग ची सोय केली आहे. कापड बाजार कामगार सेवा सोसायटीने नगरामध्ये सरकारमान्य धान्य दुकान व पिठाची गिरणी चालवून रहिवाश्याचा गरजा भागविण्याचा प्रयत्न करीत आहे.